Sambe Kolo

Sambe Kolo

Nggatek ake moyak mayeking jagat

Dumunung  soko doyo dayaning sipat

Nalar kang cekak bisane yo mung ngumpat

Tanpo arah tanpo keblat

Srengenge wus lengser mangulon

Sumurup jroning cokrowolo

Cahyane abang mbranang  tan lami dadi peteng

Neptu iku kang diarani candik olo

Kemrungsung  raosipun  ginowo songko napsu kamurkan

Jin setan podo gentayangan

Kalong wewe poda pating sliweran

Tumraping wong kang duwe gegayuh olo

Podo nggunakke mongso ngono  ngudi Karep

Angidung  sesirepan  kanggo ngujo kekarepane

Komat kamit kidung kawateg

Yep kliyep wong kang disirep

Mulo siro podo eling lan waspodo

Ojo  pijer turu sore

Elingo mring kang moho kuoso

Angidung tolak bolo

Ono sedyo ra tumeko

Temuko ra temumo

Slamet slamet ,

slamet songko kersaning Allah

Pacen wis dadi prasetyaning jin setan

Arep ngganggu gawe anak turune Adam

Trumraping koro kang biso diganggu gawe

Mulo siro ojo pijer leno

Angamalake limang mongso

Koyo kang kang dicontohke Nabi  Muhammad Saw

Nabi pungkasanig jalmo

Supoyo siro biso lir ing  sambe kolo

By: Roch 12 Juli 2011